អ្នក​គាំទ្របាន​ចាប់​អារម្មណ៍ជាខ្លាំង ក្នុង​ការ​ប្រកួត​​ក្រុម PSG ទល់ក្រុម Monaco ដោយកីឡាករក្រុម PSG បាន​ពាក់​អាវ​ដែល​មានលេខ​​និង​អក្សរ​​ពណ៌មាស​ ។ នោះតាមពិត​ក្លឹប Paris Saint-Germain ​ចង់​អបអរ​ដល់​ការ​ឈ្នះ​ពាន​ Ballon d'Or ជា​លើក​ទី​ ៧​ សម្រាប់​ខ្សែ​បម្រើ​ប្រយុទ្ធ Lionel Messi ។

ដោយការប្រកួតឈ្នះក្រុម​ Monaco ២ ទល់ ០ ក្នុង​កីឡដ្ឋាន Parc des Princes ​នេះ ក្រុម PSG បាននាំ​មុខ​លើ​កំពូល​តារាង​ Ligue 1 ដល់​ទៅ​ ១៣​ពិន្ទុ ឯណ្ណោះ ។

សម្រាប់ Messi បាន​ឈ្នះ​ពាន​ Ballon d’Or ឆ្នាំ​២០២១ បន្ទាប់​ពី​​វ៉ា​ដាច់​ពិន្ទុ​គូប្រជែង​ធំ​ Robert Lewandowski របស់​ក្លឹប Bayern Munich។ យ៉ាងណា​ក្នុង​ឱកាស​ឈ្នះ​នោះ Messi ក៏​ទទូច​ឲ្យ France Football គួរ​ឲ្យ​ពាន​ទៅ Lewandowski មួយ​ដែរ​ទៅ ដោយ​សារ​តែ​គេ​ធ្វើ​បាន​ល្អ​ខ្លាំង​កាល​ពី​ឆ្នាំ​២០២០ កាលកន្លងទៅ ៕

ប្រភព៖ The Sun