លោក​ Roy Keane បានធ្វើការរិះគន់ចំពោះទម្រង់លេងរបស់កីឡាករ Manchester United ពីររូប គឺ Fred និង Scott McTominay ក្នុងការប្រកួតកាលពេលកន្លងទៅ ។

ជាការពិតណាស់ ក្នុងការប្រកួតទល់នឹង Manchester City នេះ គឺក្រុម Man Utd បានរងបរាជ័យធ្ងន់ធ្ងរមែនទែនក្នុងលទ្ធផល ៤ទល់នឹង១ ហើយ បរាជ័យនេះទៀតសោតបានធ្វើឲ្យក្រុមបិសាចក្រហមធ្លាក់មកកាន់ចំណាត់ថ្នាក់លេខ៥។

ដោយលោក ​ Roy Keane បានលើកឡើងថា៖

ក្រឡេកទៅមើល Fred ទៅ ។ អ្នកត្រូវតែប្រយុទ្ធដើម្បីជីវិតរបស់អ្នក ប៉ុន្តែ អ្នកមានខ្សែបម្រើម្នាក់ដែលឈរប្រៀបបានដូចជាកំពុងរង់ចាំឡានក្រុង។ សម្រាប់ McTominay នៅមិនល្អគ្រប់គ្រាន់នៅឡើយទេក្នុងកម្រិតនេះ។ អ្នកត្រូវតែឈូសពួកគេ និង ធ្វើអ្វីតាមដែលអាចទៅរួច៕

ប្រភព : SPORT BILD