ទីបំផុត Messi បានឈ្នះពានជាមួយក្រុមជម្រើសជាតិហើយក្រោយបានខកចិត្តអស់រយៈពេលជាច្រើនឆ្នាំកន្លងមក ក្រោយក្រុមអាហ្សង់ទីនបានយកឈ្នះ 1-0 ទៅលើក្រុមម្ចាស់ផ្ទះប្រេស៊ីល ដើម្បីលើកពាន Copa America ឆ្នាំនេះ។

ដោយបានចូលលេងគ្រប់ការប្រកួតចាប់តាំងពីដំបូងមក រហូតដល់ទម្លាយសំណាញ់ទីខ្សែការពារដ៏ឆ្នើមរបស់ក្រុមខ្លាំងប្រចាំទ្វីបអាមេរិកខាងត្បូង ពេលនេះស្គាល់រសជាតិពាន Copa ហើយសម្រាប់ Messi ចាប់តាំងពីក្រុមអាហ្សង់ទីនបានឈ្នះពាននេះជាលើកចុងក្រោយនៅឆ្នាំ1993 ។

ស្របពេលដែល Messi បានបង្ហាញទម្រង់លេងល្អក្នុងការប្រកួតវគ្គផ្ដាច់ព្រ័ត្រនេះ Neymar ដែលជាអតីតមិត្តរួមក្លឹបនៅអេស្ប៉ាញក៏បានបង្ហាញទម្រង់លេងល្អខ្លាំងផងដែរ ប៉ុន្តែ Messi ត្រូវការឈ្នះពាននេះខ្លាំងបំផុត ក្រោយគេមិនប្រកួតវគ្គផ្ដាច់ព្រ័ត្រឡើយកាលពីការប្រកួត Copa 2ឆ្នាំមុន ដែលប្រេស៊ីលបានលើកពាននេះក្រោយយកឈ្នះលើក្រុមពេរ៉ូ។

អ្នកគាំទ្រគិតដូចការរំពឹងទុកមែនដែលថាក្រុមទាំងពីរនឹងបុកទៅវិញទៅមក ប៉ុន្តែក្រោយមកក្រុមម្ចាស់ផ្ទះត្រូវខកចិត្ត។ ក្រុមអាហ្សង់ទីន និងប្រេស៊ីលវាយបកខ្លាំងដូចគ្នាក្នុងតង់ទី1 ដោយមិនរំពឹងថានឹងមានគ្រាប់បាល់ស៊ុតឡើយ ទោះបីជាមានការបង្កកំហុសពីខាងក្រុមទាំងពីរច្រើនខ្លាំងក្ដី។

ក្រុមភ្ញៀវត្រូវការឳកាសល្អតែម្ដងគត់ដើម្បីស៊ុតបញ្ចូលទីទៅលើគូប្រកួត។ ដោយកីឡាករខ្សែបម្រើ Rodrigo De Paul ឃើញចន្លោះបោះបាល់យ៉ាងល្អកាត់កីឡាករខ្សែការពារប្រេស៊ីល Renan Lodi ធ្វើឲ្យ Angel Di Maria ។

អស់រយៈពេលជិត20ឆ្នាំ ហើយបានឡើងដល់វគ្គផ្ដាច់ព្រ័ត្រ4ដង ទីបំផុតអាហ្សង់ទីនបានក្លាយជាម្ចាស់ជើងឯក Copa America ម្ដងទៀតក្នុងសតវត្ស៏ទី21 ។ ក្រុមអាហ្សង់ទីនបណ្ដុំទៅដោយកីឡាករវ័យក្មេង និងមានការរួបរួមគ្នាល្អ ប៉ុន្តែបើគ្មាន Messi ក៏ពួកគេមិនសង្ឃឹមថានឹងអាចឈ្នះពាន Copa នេះបានដែរ៕

ប្រភព៖ Goal.com