ក្រុមបិសាច Man Utd ត្រូវបង់ឲ្យ Pogba មុនចាកចេញជិត ៥លានដុល្លារ បន្ថែមពីលើថ្លៃពលកម្ម

Admin Jun 03-2022 ព័ត៌មានកីឡា

564

ក្លឹប Manchester United បានធ្វើការប្រកាសផ្លូវការហើយថា ខ្សែបម្រើ Paul Pogba នឹងចាកចេញពីក្លឹបនៅពេលចប់កុងត្រានៅថ្ងៃទី៣០ ខែមិថុនា ឆ្នាំ២០២២នេះ។

បើយោងតាមរបាយការណ៍របស់ Daily Mail ខាង Man Utd ត្រូវបង់ឲ្យ Pogba ជាង៤,៨លានដុល្លារ បន្ថែមពីលើប្រាក់ពលកម្មប្រចាំខែមិថុនាមុននឹងចាកចេញ។

តាំងពីផ្លាស់មកឲ្យក្រុម Man Utd តាំងពីឆ្នាំ២០១៦មក ក្រុមបិសាចក្រហមបានចំណាយលើប្រាក់ពលកម្មទៅ Pogba ច្រើនជាង ១១៣លានដុល្លារទៀត បន្ថែមពីនេះទៀតក្លឹបត្រូវបង់ថ្លៃសិទ្ធប្រើប្រាស់រូបភាពរបស់គេជាង ៣,៥លានដុល្លារក្នុងមួយឆ្នាំ ក៏ដូចជាឲ្យប្រាក់លើកទឹកចិត្តពេលបានទៅលេង UCL ជាង២,២លានដុល្លារទៀតផង។

ក្រោយចាកចេញពីក្លឹបនេះ Pogba ត្រូវបានសារព័ត៌មានជាច្រើនចុះផ្សាយថានឹងត្រលប់ទៅ Juventus វិញដោយនៅខណៈនេះភាគីទាំងពីរកំពុងចរចាគ្នាហើយ ៕

ប្រភព៖ The Sun