ក្រុមអធិរាជស Real Madrid ត្រូវបានគេរាយការណ៍ថាមានទំនុកចិត្តកាន់តែខ្លាំងឡើងក្នុងការចុះហត្ថលេខាលើខ្សែបម្រើ Paul Pogba របស់ក្រុម Manchester United ដោយគ្មានតម្លៃនៅទីផ្សាររដូវក្តៅក្រោយ។ កិច្ច​កុងត្រារបស់កីឡាករសញ្ជតិបារាំងរូបនេះនៅឯកីឡដ្ឋាន Old Trafford នឹងត្រូវផុតកំណត់នៅខែមិថុនាឆ្នាំ ២០២២ ខាងមុខនះ ហើយការចរចារកិច្ចព្រមព្រៀងថ្មីជាមួយនឹងក្លឹប Man Utd គឺនៅមិនទាន់ឃើញលេចជាភាពវិជ្ជមាននៅឡើយទេ ។ ​ខ្សែបម្រើរូបនេះបានចាប់ផ្តើមរដូវកាលថ្មីក្នុងទម្រង់ដ៏គួរឱ្យចាប់អារម្មណ៍សម្រាប់ក្រុមម្ចាស់ជើងឯកអង់គ្លេស ២០ សម័យដោយបញ្ចូនបាល់អោយមិត្តរួមក្រុមទាត់បញ្ចូលទីដល់ទៅ ៥ ដងក្នុងការបង្ហាញខ្លួន ៣ ប្រកួតនៅក្របខ័ណ្ឌ Premier League ។ ចំពោះក្លឹប Paris Saint-Germain ក៏ត្រូវបានគេជឿជាក់ថាចង់ចុះហត្ថលេខាជាមួយ Pogba នៅរដូវក្តៅនេះផងដែរ ប៉ុន្តែការចាប់អារម្មណ៍របស់ពួកគេបានបញ្ចប់នៅពេលដែលមានវត្តមានរបស់ Lionel Messi មកដល់ ៕  ប្រភពព័ត៍មាន៖ Sportsmole