លោក Don Hutchison អតីត​កីឡាករ​របស់ Liverpool បាន​និយាយ​ថា ខ្សែ​បម្រើ Donny van de Beek គួរ​តែ​ចាកចេញ​ពី Manchester United ដើម្បី​​​រក្សា​អាជីព​របស់​ខ្លួន​​​បន្តទៀត ។

កីឡាករ​សញ្ជាតិ​ហុល្លង់​មិន​សូវ​​ជា​បាន​បង្ហាញខ្លួន​ប៉ុន្មាន​ទេ​នៅក្នុង​រដូវ​កាល​ដំបូង បន្ទាប់​ពី​ចូលរួម​ជាមួយ Man United ​ពីផ្ទេរ​ក្លឹប Ajax កាល​ពី​រដូវ​ក្ដៅ​មុន។ សម្រាប់​រដូវ​កាល​នេះ​វិញ កីឡាករ​វ័យ​២៤​ឆ្នាំ​លេង​បាន​តែ​៦​នាទី​គត់​ សម្រាប់​៥​ប្រកួត​ក្នុង​លីគ​របស់​បិសាច​ក្រហម។

ទាក់ទិន​នឹង​អនាគត​របស់ Van de Beek លោក Hutchison បាន​និយាយ​ថា គេ​គួរ​តែ​ទៅ​ពិភាក្សា​​ជាមួយ​ភ្នាក់ងាររបស់គេហើយស្នើរក្លឹបចាកចេញទៅ ព្រោះ​ព្រឹត្តិការណ៍ World Cup នៅ​សល់​តែ​១៨​ខែ​ទៀត​ទេ​នឹង​មក​ដល់​ហើយ ។

ដោយ ​​Hutchison បាន​បន្ថែម​ទៀត​ថា Van de Beek មិន​អាច​បាន​ត្រឹម​តែ​អង្គុយ​កៅអី​បម្រុង ​លេង​​តែ​នៅ​ពាន League Cup និង​ម៉ោង​បន្ថែម​បាន​ទេ ។ រូបគេ​គួរ​តែ​ចេញ​ពី Manchester United ឲ្យបានឆាប់ៗ នេះ៕

ប្រភព៖ Dailymail