អតីតកីឡាករ Barcelona លោក Andres Iniesta បានបញ្ចេញទស្សនៈគាំទ្រដល់ Xavi ស័ក្ខសមជាបេក្ខភាពអ្នកចាត់ការក្រុម មកដឹកនាំ Barcelona។

បច្ចុប្បន្នក្រុម Barcelona ពិតជាធ្វើមិនបានល្អនោះទេ ក្រោមការដឹកនាំរបស់លោក Ronald Koeman ដោយទទួលរងការរិះគន់ជាខ្លាំងពីអ្នកគាំទ្រ និងសមាជិកក្រុមប្រឹក្សាភិបាលរបស់ក្លឹប។ ជាមួយនឹងលទ្ធផលនេះ កៅអីរបស់លោក Ronald Koeman កំពុង​តែរង្គោះរង្គើ នឹងអាចត្រូវបានដកតំណែងផងដែរ ។ ក្នុងនោះមានពាក្យចចាមអារ៉ាមជាច្រើនបានលើកឡើងថា លោកប្រធានក្លឹប Joan Laporta កំពុងស្វែងរកអ្នកចាត់ការថ្មីមកជំនួសតំណែងលោក Ronald Koeman ផងដែរ។

ទន្ទឹមនឹងនេះ វីរបុរសរបស់ Barcelona លោក Andres Iniesta បានចេញមកគាំទ្រដល់ Xavi ជាបេក្ខភាពដែលស័ក្ខសមសម្រាប់ដឹកនាំក្រុម Barcelona បន្ត ។ 

​ប្រភព៖ Dailymail