ក្រុម Paris Saint-Germain ត្រូវបានគេរាយការណ៍ថាចាប់អារម្មណ៍នឹង Robert Lewandowski ប៉ុន្តែចាត់ទុកខ្សែប្រយុទ្ធរបស់ក្រុម Bayern Munich រូបនេះជាជម្រើសបម្រុងសម្រាប់គោលដៅជម្រើសដំបូង Erling​ Haaland ។ ហើយ Kylian Mbappe ត្រូវបានគេរំពឹងថានឹងចាកចេញពីក្លឹបយក្សរបស់បារាំង​នៅខែមករាឬរដូវក្តៅខាងមុខនេះ ដោយក្រុមរបស់លោក ​ Pochettino ត្រូវបានគេជឿជាក់ថានឹងកំណត់អត្តសញ្ញាណអ្នកជំនួស Mbappe ។

យោងតាមគេហទំព័រ le10sport អាទិភាពឈានមុខគេសម្រាប់​ PSG គឺ Haaland  ខណៈដែលកីឡាករអន្តរជាតិន័រវែសនេះត្រូវបានគេរំពឹងថានឹងចាកចេញពី Borussia Dortmund នៅរដូវក្តៅខាងមុខ។ ទោះយ៉ាងណារបាយការណ៍ដដែលអះអាងថាក្រុមរបស់លោក Pochettino អាចផ្លាស់ប្តូរការចាប់អារម្មណ៍របស់ពួកគេមក Lewandowski វិញប្រសិនបើពួក​មិនអាច​យក Haaland បាន ។

ក្នុងស្ថានភាពពេលនេះ Mbappe អាចចាកចេញពី PSG ប៉ុន្តែក្លឹបយក្សនៅ Ligue 1 នៅតែមានសង្ឃឹមក្នុងការចុះហត្ថលេខាជាមួយកីឡាករសញ្ជិតបារាំងរូបនេះបន្តទៀត ៕

ប្រភព៖ Sportsmole