យោងតាមសេចក្ដីរាយការណ៍គឺ ក្លិប Fluminense នៅឯប្រទេសប្រេស៊ីល បានចូលខ្លួនមកចរចាយក ខ្សែការពារ Thiago Silva នៃក្លិបតោខៀវ Chelsea ។

សម្រាប់កុងត្រារបស់ Silva ​នៅទឹកដី Stamford Bridge គឺអស់សុពលភាពនៅចុងរដូវកាលនេះហើយ ដោយគេរំពឹងទុកថាអតីតកីឡាករ PSG រូបនេះនឹងមិនបន្តកុងត្រាថ្មីទេ ។

សារព័ត៌មាន Sky Sport បានបង្ហើបថា Silva ស្ថិតក្នុងដំណាក់កាលចរចាជាមួយក្លិប Fluminense ស្របពេល Chelsea ក៏អាចនឹងបើកផ្លូវឲ្យកីឡាករវ័យ ៣៧ឆ្នាំរូបនេះចាកចេញ​ដែរ ។

គួរបញ្ជាក់ផងដែរថា Thiago Silva បានផ្ទេរពីក្លិប Paris Saint-Germain មកកាន់ Chelsea ដោយគ្មានតម្លៃខ្លួនកាលពីឆ្នាំ២០២០ និងបានរួមចំណែកជួយក្រុមឲ្យលើកពាន Champions League ផងដែរ ៕

ប្រភព : Spy Sport