កីឡាករសញ្ជិតអាឡឺម៉ង់បានដើរតួយ៉ាងសំខាន់សម្រាប់ក្លឹបយក្សកាតាឡានចាប់តាំងពីបានមកដល់កីឡដ្ឋាន Camp Nou ក្រោយផ្ទេរមកពីក្លឹប Borussia Monchengladbach ក្នុង 2014  ។

ទោះជាយ៉ាងណាក៏ដោយកាសែត El Nacional រាយការណ៍ថាក្លឹប Barce នឹងពិចារណាពីការចាកចេញរបស់ Ter Stegen ខណៈដែលពួកគេ​កំពុងជួបបញ្ហាហិរញ្ញវត្ថុយ៉ាងខ្លាំងនៅរដូវក្ដៅនេះ ។

ដោយលោក Pep Guardiola បាន​កោតសរសើរពីអ្នកចាំទីរូបនេះជាខ្លាំង ហើយរបាយការណ៍ដដែលបានបន្ថែមថា Man City បានបរាជ័យជាមួយការដាក់សំណើ 40 លានអឺរ៉ូ ដើម្បីចុះហត្ថលេខាជាមួយ Stegen មុនពេលជ្រើសរើស Claudio Bravo ជំនួសវិញក្នុងឆ្នាំ 2016  ។

ហើយសម្រាប់ Ter Stegen កុងត្រារបស់គេជាមួយ Barcelona នឹងផុតកំណត់នៅខែមិថុនា ឆ្នាំ 2025 ឯណ្ណោះ ហើយរូបគេបានបង្ហាញខ្លួនចំនួន 290 ដងជាមួយក្លឹបយក្ស La Liga និងរក្សាសំណាញ់ទីមិនឲ្យស៊ុតចូល 117 ដងផងដែរ ៕

ប្រភព៖ Sportsmole