ខ្សែរប្រយុទ្ធឆ្នើម ​Robert Lewandowski ​ត្រូវ​បាន​គេ​ដឹង​ថា​បាន​ប្រាប់​ទៅ​ភ្នាក់ងារ​ទីផ្សារ​របស់​ខ្លួន​ថា​ចង់​ចាកចេញ​ពី​ក្រុម Bayern Munich ​ហើយ​នៅ​រដូវ​កាល​ក្រោយ និង​ចង់​ចូល​រួម​ជាមួយ​ក្រុម Real Madrid ផងដែរ ។

លោក Pini Zahavi ​ដែល​ជា​ភ្នាក់ងារ​ទីផ្សារ​របស់ Lewan ​ក៏​ជា​អ្នក​ធ្វើ​ឱ្យ​ខ្សែ​ការពារ​ David Alaba ផ្ទេរទៅ​ Real Madrid នៅឆ្នាំ​មុន ផងដែរ ។ ​ស្រប​ពេល​រដូវ​កាល​នេះ​វិញ ​ក៏​មាន​ដំណឹង​ថា​ភ្នាក់ងារ​រូប​នេះ​នឹង​បន្ដ​ការងារ​មួយ​ទៀត ដែល​ចង់​យក​ខ្សែ​ប្រយុទ្ធ​ប៉ូឡូញ​ចេញ​ពី Bayern Munich ​ដើម្បី​ទៅ​ចូល​រួម​ជាមួយ​ក្រុម Real Madrid ​ម្នាក់ទៀត។

ខណៈ​ដែល​ការ​ចង់​ចាកចេញ​ទៅ​ចូល​រួម​ជាមួយ​ក្រុម​អធិរាជ​ស​នេះ គឺ​ជា​បំណង​ប្រាថ្នា​​របស់ Lewandowski ​ផ្ទាល់តែ​ម្ដង។ ​ជាមួយ​គ្នា​នេះ​ដែរ ​ក្រុម​របស់​លោក Carlo Ancelotti ​ដែលកន្លង​មក​ក៏​មាន​ដំណឹង​ថា​ចង់​បាន​ខ្សែ​ប្រយុទ្ធ​កណ្ដាល​រូប​នេះ​ផងដែរ ក្រោយ​ពី​រូបគេ​បានបង្ហាញ​ទម្រង់​លេងយ៉ាងល្អខ្លាំង​មែនទែននៅ​ប៉ុន្មាន​រដូវ​កាល​ចុង​ក្រោយ​នេះ ៕​

ប្រភព៖ Dailymail