លោកគ្រូបង្វឹក Jurgen Klopp នៃក្រុមហង្សក្រហម Liverpool ត្រូវបានគេរាយការណ៍ថាចង់បានខ្សែបម្រើ Toni Kroos ពីក្លិប Real Madrid នៅរដូវកាលក្រោយនេះ ។ 

កីឡាករសញ្ជាតិអាល្លឺម៉ង់រូបនេះជាខ្សែបម្រើជួរមុខម្នាក់ក្នុងពិភពលោកដែលនៅតែជាប់ជម្រើស ១១នាក់ដំបូងក្នុងការប្រកួតឲ្យក្រុម Real Madrid បើទោះជាមានវ័យ ៣១ឆ្នាំហើយក៏ដោយ។ ។

តាមសារព័ត៌មាន El Nacional បានបង្ហើបថា Klopp បានសន្យាជាមួយអ្នកគាំទ្រ  Liverpool ថានឹងតាមទិញយក  Toni Kroos ឲ្យបានស្របពេលកុងត្រារបស់គេ​ នៅទឹកដី Santiago Bernabeu ជិតអស់សពុលភាពត្រឹមឆ្នាំ ២០២៣ នេះ ។

ដោយឃើញបែបនេះ ក្រុមហង្សក្រហម Liverpool ចង់ឆ្លៀតឱកាស​តាមឆក់យករូបគេពី Real Madrid ឲ្យបានដោយលោក Klopp ធ្លាប់ចេញមុខសរសើរខ្សែបម្រើរូបនេះថាមានសមត្ថភាពប្រហាក់ប្រហែលនឹងវីរបុរសអាល្លឺម៉ង់គឺលោក Bernd Schuster ថែមទៀតផង៕

ប្រភព : 90min