បើយោងតាមសេចក្តីប្រកាសកាលពីថ្ងៃច័ន្ទ ថាវគ្គផ្ដាច់​ព្រ័ត្រ Europa League នឹងបើកឱ្យអ្នកគាំទ្រប្រមាន ៩.៥០០នាក់ឲ្យចូលទស្សនានៅកីឡដ្ឋាន Energa ក្នុងទីក្រុង Gdansk នៃប្រទេសប៉ូឡូញ ។ សេចក្តីថ្លែងការណ៍ផ្លូវការណ៍មួយបានប្រកាសថា ៖

"អាជ្ញាធរប៉ូឡូញបានបញ្ជាក់ដល់ UEFA ថា​កីឡដ្ឋាន​ដែល​ទុក​សម្រាប់​លេងជំនួបផ្ដាច់​ព្រ័ត្រ​នេះ​អាច​មានសមត្ថភាព​ដាក់​អ្នក​ទស្សនាបាន​ ២៥%​ ឬ​៩៥០០នាក់។ អ្នកគាំទ្រមកពីបរទេសនឹងត្រូវគោរពតាមការរឹតត្បិត និងតម្រូវការចូលព្រំដែន។ "

ដោយវគ្គផ្ដាច់​ព្រ័ត្រ Europa League នេះក្រុមបិសាចក្រហម Manchester Unitedនឹងត្រូវជួបជាមួយក្រុមខ្លាំងមកពីអេសស្ប៉ាញ Villarreal ដោយវគ្គផ្តាច់ព្រ័ត្រ Europa League ដែលធ្វើឡើងនៅ​ទីក្រុង Gdansk នៃប្រទេសប៉ូឡូញនៅថ្ងៃទី ២៦ ខែឧសភា ឆ្នាំ ២០២១ ខាងមុខនេះ ។

ប្រភព ៖ UEFA ផ្លូវការ