លោក Pochettino ត្រូវបានគេរាយការណ៍ថា ចង់ឲ្យក្រុម Manchester United ចុះហត្ថលេខាទិញយក Harry Kane មករួមក្រុមប្រសិនបើលោកមានវត្តមានទៅដឹកនាំនៅឯកីឡដ្ឋាន Old Trafford។

ជាការពិតណាស់ អនាគតរបស់លោក Pochettino ជាមួយក្លឹប Paris Saint Germain ហាក់បីដូចជាស្រពេចស្រពិលខ្លាំងមែនទែន ដោយរបាយការណ៍មួយចំនួនបានលើកឡើងថា រូបលោកនឹងផ្លាស់មកដឹកនាំក្រុម Man Utd ខណៈ លោក​Zidane នឹងជំនួសតំណែងរបស់លោកនៅឯកីឡដ្ឋាន Parc de Princes។

ទន្ទឹមនឹងពាក្យចចាមអារ៉ាម​លោក Pochettino មកដឹកនាំក្រុម Man Utd ​កាសែត The Telegraph បានលើកឡើងថា រូបលោកកំពុងទទូចឲ្យក្រុមបិសាចក្រហម​ទិញយក Harry Kane មករួមក្រុមប្រសិនបើលោកមានឱកាសទៅដឹកនាំនៅទីនោះមែន ពីព្រោះកីឡាករសញ្ជាតិអង់គ្លេសខាងលើ ជាអតីតកូនក្រុមរបស់លោក ហើយលោកដឹងពីសមត្ថភាពរបស់គេច្បាស់កាលដឹកនាំនៅក្លឹប Tottenham Spur ៕

ព្រភព : ONE SPORT