ខ្សែ​ការពារ​ Harry Maguire បាន​បង្ហោះ​លើ​បណ្ដាញ​សង្គម​ Twiiter របស់​ខ្លួន​ក្នុង​ថ្ងៃ​នេះ​ ដោយបានបដិសេធ​នឹង​សារព័ត៌មាន​ជា​ច្រើន​ ដែល​បាន​ចុះ​ផ្សាយ​ទាក់ទង​នឹង​ តំណែង​ប្រធាន​ក្រុម​ Man Utd កំពុង​តែ​រង្គោះរង្គើ​ ដោយ​ខ្សែ​ប្រយុទ្ធ​ Cristiano Ronaldo កំពុង​តែ​ប្រជែង​យក​តំណែង​មួយ​នេះ​ពី​គេ​។

បើ​តាម​ចុះ​ការ​ផ្សាយ​របស់​ Mirror បាន​ឲ្យ​ដឹង​ថា​ តំណែង​ប្រធាន​ក្រុម​ Man Utd កំពុង​តែ​ត្រូវ​កីឡាករ​និយាយ​គ្នា​ថា​ តើ​រវាង​ Maguire និង​ Ronaldo មួយ​ណា​ស័ក្ដិសម​ជាង​ ដោយ​មតិ​ភាគ​ច្រើន​ជ្រើស​យក​ Ronaldo ដោយ​ថា​គេ​មាន​ស័ក្ដិសម​ជាង​ និង​មាន​សមត្ថភាព​ជាង​ Maguire មួយ​វិញ​ទៀត Ronaldo ក៏​មានចិត្តកំពុង​ចង់​ប្រជែង​យក​តំណែង​នេះ​ផង​ដែរ​។

បើ​តាម​ប្រភព​ដដែល​នេះ​ Rangnick កាល​ពី​ពេល​ថ្មីៗ​ក៏​បាន​ប្រគល់​មើល​ការ​ខុស​ត្រូវ​ណែនាំ​កីឡាករ​ក្នុង​ក្រុម​ ជា​ពិសេស​ទៅ​លើ​កីឡាករ​ក្មេងៗ​ ឲ្យ​ Ronaldo ទទួល​ខុស​ត្រូវ​ផង​ដែរ​ ដែល​ធ្វើ​ឲ្យ​ Maguire យ៉ាង​ណា​ក៏​ត្រូវ​តែ​ស្ដាប់​ Ronaldo ផង​ដែរ​។

តំណែង​ប្រធាន​ក្រុម​នេះ​ ត្រូវ​បាន​ Mirror ចុះ​ផ្សាយ​ថា​ Rangnick នឹង​ប្រកាស​ជា​ផ្លូវការ​នឹង​ធ្លាក់​ទៅ​លើ​ Ronaldo ឆាប់​ៗ​នេះ​ តែ​យ៉ាង​ណា​ Maguire ហាក់​បី​ដូច​ជា​មាន​ការ​ស្ទាក់ស្ទើរ​​មិន​ចង់​ឲ្យ​។

យ៉ាង​ណា​ក្រោយ​ឃើញ​ព័ត៌មាន​ទាំង​នេះ​ Maguire បាន​ចេញ​សារ​ដោយ​ផ្ទាល់​ បដិសេធ​រឿង​នេះ​ទាំង​ស្រុង​ ដោយ​មិន​មាន​រឿង​នេះ​កើត​ឡើង​ក្នុង​ក្រុម​នោះ​ទេ​ ដោយ​នៅ​ខណៈ​នេះ​ក្រុម​គេ​កំពុង​តែរួបរួមគ្នាណាស់ និងខិត​ខំ​ប្រឹងប្រែងបន្តទៅមុខទៀតផងដែរ ។

ប្រភព៖ Goal | Marca