ខ្សែ​បម្រើ​ ​Odegaard បាន​និយាយ​ទៅ​កាន់​សារព័ត៌មាន​​ Astro នៅ​ក្នុង​ថ្ងៃ​នេះ​ថា​ បើ​ខ្សែ​ប្រយុទ្ធ​ Erling Haaland ផ្លាស់​មក​លេង​នៅ​អង់គ្លេស​ គេ​គួរ​តែ​មក​លេង​ឲ្យ​ក្រុម Arsenal ល្អបំផុត​​។

ដោយ Odegaard បាន​និយាយ​ថា​៖" Haaland គេ​ជា​មនុស្ស​ពូកែ​លេង​សើច​ ជា​មិត្ត​ល្អ​មួយ​រូប​របស់​ខ្ញុំ​ ក៏​ដូច​ជា​កំពូល​កីឡាករ​មួយ​រូប​ផង​ដែរ​។ យើង​មាន​តែ​ចាំ​មើល ថាគេ​នឹង​ជ្រើស​រើស​បែប​ណា​ តែ​បើ​គេ​ជ្រើស​រើស​ផ្លាស់​មក​កាន់​អង់គ្លេស​ គេ​គួរ​តែ​ផ្លាស់​កាន់​ Arsenal យើង​នេះ​ហើយ​ "។

សម្រាប់​រដូវកាល​ក្ដៅ​ខាង​មុខ​ Haaland ត្រូវ​បាន​ក្លឹប​ធំៗ​នៅ​អឺរ៉ុប​ជា​ច្រើន​ដេញ​ជើង​គ្នា​ចង់​បាន​ រី​ឯក្រុម​ Dortmund នៅ​តែ​បន្ត​ជំហរ​ចង់​បាន​ខ្សែ​ប្រយុទ្ធ​រូបនេះ​នៅ​បន្ត​ ប៉ុន្តែ​ Haaland វិញ​មិន​បាន​បញ្ជាក់​ជំហរ​ជា​ផ្លូវការ​យ៉ាង​ណា​នោះ​ទេ​។

ចំពោះ Haaland ​នៅ​មាន​កុងត្រា​ជា​មួយ​នឹងក្លឹប​ Dortmund ដល់​ឆ្នាំ​២០២៤ ក្នុង​រដូវកាល​នេះ​គេ​ចូល​លេង​បាន​ ២៧ប្រកួត​ហើយ​និង​ស៊ុត​ចូល​ ២៥គ្រាប់​ផងដែរ ៕

ប្រភព៖ Goal